「最豪YouTuber」雪姨唔介意伴侶搵錢少過佢︰追得我已經好有勇氣

由楊詩敏(蝦頭)與連詩雅(Shiga)主持網台ChillGOOD TV的節目《絲打圍爐》最新一集請到有「富貴KOL」之稱的著名YouTuber雪姨(Sharon Yung)做嘉賓。雪姨平時會拍片帶大家睇樓,她在前年以950萬現金「一炮過」購入已故才女林燕妮位於北角寶馬山花園的故居,送給媽媽作養老安樂窩,成為網民一時熱話。網民不時會笑稱「雪姨,我不想努力了」,雪姨今次上節目講到自己的擇偶條件,原來真的是靚仔和body最緊要,即使沒錢也沒所謂?


Shiga和蝦頭都笑言︰「雪姨,我不想努力了。」(YouTube影片截圖@ChillGOOD TV)

雪姨最近以逾3000萬買下實用面積2400呎的北角半山豪宅,幾乎一年開箱豪宅一次,絕對是城中「最豪華YouTuber」。她曾透露自己公屋出身,6歲那年父母離異,與母親相依為命,所以在單親家庭長大,今日所有靠自己白手興家。雪姨曾拍片分享致富之道, 除了買股票之外,她空閒時間寫blog分享扮靚心得,算是初代的KOL,有生意頭腦的她看中這行的發展潛力,開設經理人公司,招攬YouTuber齊齊搵銀。雪姨目前坐擁8間公司,生意涉及多個範疇,更與陳凱琳合作做生意。今次在節目《絲打圍爐》中,雪姨直言做生意是自己的興趣,「其實我個人冇乜特別興趣,我淨係鍾意做生意。」做生意成為興趣一種,的確厲害,可能就是這種正面的思維令她愈搵愈多。她憶述是6、7年前開始對做生意有興趣,當年流行做beauty blogger,寫一篇文可能有300至500元收入,成立第一間公司正正是為了報那500蚊收入的稅。


雪姨表示︰「如果佢冇乜錢,但係佢好愛我,其實我覺得我真係好OK嘅。」(YouTube影片截圖@ChillGOOD TV)


雪姨喜歡照顧另一半的生活瑣事。(YouTube影片截圖@ChillGOOD TV)


雪姨喜歡照顧另一半的生活瑣事。(YouTube影片截圖@ChillGOOD TV)


雪姨喜歡照顧另一半的生活瑣事。(YouTube影片截圖@ChillGOOD TV)


雪姨表示︰「如果佢冇乜錢,但係佢好愛我,其實我覺得我真係好OK嘅。」(YouTube影片截圖@ChillGOOD TV)

雪姨出名富貴,但她不介意男朋友搵錢比她少,她說︰「總之係我鍾意就得啦,冇乜嘢,最緊要係佢自己搵到,佢能夠生活到,咁已經OK。(個底線係唔可以你養佢?)係啊,佢一定要有獨立嘅能力。(如果佢介意?)佢追得我已經好有勇氣㗎啦,其實真係有勇氣㗎。」她解釋有勇氣是因為要預期二人的事情可能「畀人攤晒出嚟」,大概是因為她也算是半個藝人,另外是因為賺錢方面,她的收入也較浮動,做生意也有旺、淡季之分。Shiga也笑言平時男仔追女仔可能送花送禮物仔,追雪姨不能要送車、送樓。


雪姨和陳凱琳是生意拍檔。(IG@snowqueenhk)

雪姨表示例如自己買一個靚手袋,「你而家大概都係開心3至5秒左右,其實就冇乜感覺,都係一樣死物。」可見錢在她眼中已不是一樣會帶來真正快樂的東西。主持問她如果有個男仔追她,好愛她但沒有錢的,雪姨秒答︰「我OK㗎!」她之後說︰「如果佢冇乜錢,但係佢好愛我,其實我覺得我真係好OK嘅。」主持再問如果要養對方呢?她答︰「咁就真係未必得」,她又說︰「我揀得佢做男朋友,一定要喺某一個範疇我好欣賞佢,好有才華。」Shiga表示藝術家通常收入不多,雪姨即刻說︰「或者係睇準佢嘅才華,不如我入股落佢間公司度,幫佢將間公司搞大佢!」即時令兩位主持哄動,笑說︰「雪姨,我不想努力了!」蝦頭表示︰「我好想做佢男朋友。」非常搞笑而雪姨直言︰「其實我哋呢啲真係好易氹好易追!」


雪姨上年再豪擲逾3000萬買北角豪宅。(YouTube影片截圖)

點撃下圖逐格睇豪宅:

該單位位於北角半山某大廈的頂層。(YouTube影片截圖)


該單位位於北角半山某大廈的頂層。(YouTube影片截圖)


該單位位於北角半山某大廈的頂層。(YouTube影片截圖)

主持再向雪姨逼供,如果一個男人好有錢但又肥又醜,另一個就外表滿分,但沒有錢,她會揀誰?她聞言立即說︰「咁梗係要冇錢啦!冇錢都過啦,靚仔同body係最緊要啊!」雪姨講到因為自己是在單親家庭長大,可能因為這個原因,即使是拍拖也喜歡擔當照顧別人的角色,例如會常常提點、關心對方,「even係簡單到屋企嘅水電煤,或者租,所有嘢都唔使煩心,等我嚟搞啦,我係會照顧晒,我鍾意做照顧者,仲好過畀錢留低個男人,你令到佢生活上不能沒有你。」


雪姨真的好有生意頭腦!(IG@iamsnowwhitewhite)

後來她們大玩遊戲,要講真話,雪姨要答「身高 年紀 愛好 性格 每年收入」的理想型條件,雪姨最喜歡的是藝術型男生,最好是擅長彈琴、唱歌、畫畫,會吸引到她。她理想型是身高175cm,年紀比她小一點,25至26歲,性格外冷內熱。Shiga問如果對方是可以自立,但其實是住劏房,雪姨又OK嗎?雪姨激動的說︰「如果佢真係住劏房,但係佢真係好靚仔,body好好,算啦!我租畀佢啦!我租埋畀佢!」之後又講笑說︰「你淨係幫我煮飯,你唔使交租啦,喺屋企照顧我啦。」

You May Also Like

Comment

Khu Đô Thị Hưng Hoà TNR Đồng Văn