【經典斷正〡夜蒲直落】婚姻低潮 馬德鐘撻著胡定欣一齊返歸(足本版)

馬德鐘過去好多緋聞,其中拍《衝上雲霄》嗰陣,唔止同陳慧珊傳戲假情真,同飾演佢細妹嘅胡定欣亦傳撻着。壹仔仲影到佢哋夜蒲直落,馬德鐘趁老婆帶埋個仔去歐洲讀書,帶胡定欣返當時嘅將軍澳住所。

[adinserter block=”1″]

當晚一班《衝上雲霄》藝員,包括吳卓羲、郭政鴻同監製梁家樹,喺灣仔一間的士高,訂包廂一齊夜蒲。

當晚係Ladies night,馬德鐘成晚俾女圍,但佢似乎對胡定欣最感興趣。玩到凌晨三點幾,離開嗰陣大家略有酒意,馬德鐘當眾拉住胡定欣手臂,胡定欣亦拉住佢手臂唔放,當眾拉拉扯扯。

之後馬德鐘揸住胡定欣架車,載佢一齊返將軍澳住所。原本佢哋一齊前後腳,行去住客升降機,但發現壹仔之後即時彈開,馬德鐘自己走去花園鬆人,胡定欣就坐喺司機位,縮低避鏡頭,急急揸車離開。

之後胡定欣解釋,馬德鐘無車,佢咪送對方返屋企囉!至於點解彈開?佢話見到記者咪彈開囉!

而馬德鐘就否認帶女方返屋企,佢話見到胡定欣飲咗酒,先至幫佢揸車。講到當街拉扯,佢就問壹仔見到胡定欣拉住佢隻手咩?仲話自己唔知喎!

Source: nextplus.nextmedia.com

You May Also Like

Comment

Khu Đô Thị Hưng Hoà TNR Đồng Văn