家庭問題︳姐姐要求搬走騰出睡房做BB房 港女批無理:有BB真係大晒咩?

兩姊妹為了一間房而鬧不和。一名港女發文訴說,指懷孕姐姐打算生小孩後讓母親幫忙湊B,遂要求事主搬走,以騰出房間用作「BB房」,令她頓感不滿,批評姐姐要求無理,直言:「唔通有BB真係大晒咩?」

同場加映:
管家王 ︳浴缸膠邊發霉老化易漏水 家居達人教唧玻璃膠7分鐘KO【附DIY慳錢3招】
相見好同住難︳網民列家人12個惡劣衛生習慣,沐浴露加水塞爆雪櫃大呼「難頂」,詳情即睇:【下一頁】

一名女網民本周一(3日)在「香港討論區」發文,表示姐姐正懷孕,對方早前裝修住處,於是跟丈夫搬回娘家暫住,並要求事主在客廳過夜,她直言「瞓廳都瞓咗2個幾月」。

姐姐要求騰出房間作「BB房」

直至本周日(2日),姐姐突然表示將來生育小孩後,打算著母親幫忙湊B,遂詢問事主可否搬走騰出睡房,好讓她將房間用作「BB房」。對此,事主直指「唔想搬」,「原本你哋有小朋友,點樣照顧係你哋嘅事,就算要媽咪湊,都唔使要我搬走,然後用我間房做BB房呀……」

姐姐對她的回應深感不滿,怒言:「係咪想叫佢個B瞓廳?」惟事主指姐姐生小孩後需要坐月,並且著母親上門幫忙,故她認為自己無必要搬走,「明明坐月嗰陣都可以叫媽咪去你哋裝修好嘅屋企,但係之後又要個B嚟我哋度?」

批姐姐要求無理:有BB真係大晒咩?

事主坦言不介意姐姐將BB床放在其睡房,惟她認為對方就算要在家中湊B,也毋須挪用事主「成間房咁多位」,批評姐姐要求無理,

「點解要我搬出去自己住?就係為咗要讓番間房出嚟做BB房?BB又唔會喺我哋屋企長住,唔通有BB真係大晒咩?所有嘢都要人就佢?如果要搬返嚟住佢哋都唔會裝修啦,我估佢哋真係純粹為咗要有間BB房……」

網民:擺明而家想迫你走

不少網民看到帖文後,均指責事主姐姐為人自私、得寸進尺,認為她並非屋主,無權利要求事主搬離,亦有人指她存心想迫走事主,但也有人建議她們一人讓一步。

↓ 點 擊 圖 片 放 大 ↓

You May Also Like

Comment

Khu Đô Thị Hưng Hoà TNR Đồng Văn