曾偉權逝世︱愛狗如命做義工為流浪貓狗執屍:每次見到都好難受

無綫(TVB)男星曾偉權11月14日因肺癌病逝,終年58歲。入行以來數段戀情都無疾而終,佢亦享受單身,將貓狗視為終身伴侶。多年來佢都好關注流浪貓狗新聞,勇於發聲,收養流浪狗,亦會幫慘死街頭嘅流浪動物做善終服務。


曾偉權是位愛動物之人,近年養了兩隻唐狗及一隻貓。(Facebook@曾偉權)

曾偉權2017年接受《香港01》訪問時表示:「唔想見到佢地俾車輾完一次又一次,以前未有寵物善終服務,我會將屍體先移到馬路邊,然後打電話叫食環署處理。而16年我認識一個專門做寵物善終服務嘅朋友,所以現在都會一齊幫手。」佢會放定一些黑膠袋及手袋喺車尾箱,以備不時之需。


曾偉權多年都勇於為流浪動物發聲,並呼籲司機們小心駕駛。(曾偉權Facebook)

訪問中佢亦憶述起當年一個深刻經歷:「有日超大雨後執過一隻被車死嘅大貓,身體已不完整,半夜非常黑又大雨.執到一半先發現,原來後面亦有另一小貓被車死,估計係母貓死後小貓徘徊母貓身邊又被車死,嗰一刻我真係忍唔住落淚。」至於問到會否感到麻木?曾偉權就話:「雖然每一次見到心情都好難受,但處理完後心情都會安落,至少可以令動物有尊嚴。」


藝人曾偉權亦曾為路邊死去的動物「收屍」。(資料圖片)


藝人曾偉權亦曾為路邊死去的動物「收屍」。(資料圖片)


藝人曾偉權亦曾為路邊死去的動物「收屍」。(資料圖片)

雖然曾偉權傳出遺病後刻意疏遠親友,但病重時仍為動物發聲,早前帶同兩隻愛犬小吉和小金一齊為漁農自然護理署拍宣傳片,呼籲市民領養唐狗:「唐狗嘅樣的而且確係惡,但其實佢哋心中都係有溫柔一面。佢哋視你為主人後,就會完全將個心交畀你,好多一啲名種狗就係人都抱得,但唐狗就唔會,認咗你係主人之後先會畀你抱,呢個係佢哋嘅特性。」

點擊下圖觀看片段畫面:

You May Also Like

Comment

Khu Đô Thị Hưng Hoà TNR Đồng Văn