港女cut線打尖入停車場影片瘋傳!歪理狂串男司機:無規定咁排隊!

駕車等入停車場,跟規矩排隊是常識吧?網上近日瘋傳一段影片,有男司機於沙田新城市廣場三期排隊等入停車場時,突然被一架白色私家車於讓線「打尖」插隊,男司機不滿響咹投訴,白色車疑似女司機則下車反駁「無規定排隊係咁樣排!」,更反問男司機「邊條規則」寫明這樣排隊,令他相當無奈,感嘆「妳真係(打尖)妳仲惡過我嘅…」。

事件引來熱議,有網民直斥「人無恥必是無敵」,又讚「片主好脾氣」,但亦有網民認為,理論上白色車跟指示線行沒有問題,只是道路設計上有改善空間,「條路設計on X都冇計,睇線真係冇錯喎」、「大家跟潛規則排隊,佢就講讓線,真係冇嘢好講……」。


網上近日瘋傳一段影片,有男司機於沙田新城市廣場三期排隊等入停車場時,突然被一架白色私家車於讓線「打尖」插隊,男司機不滿響咹投訴,白色車疑似女司機則下車反駁「無規定排隊係咁樣排!」(影片截圖)

該段「車CAM(行車記錄儀)」片段長2分25秒。片主指出,上周五(6月17日)於沙田新城市廣場第三期排隊等入停車場,排到一個讓線路口時,見到有白色車切線以為是進入商場落客,於是好心相讓,詎料原來對方也是排隊等入停車場,「係插隊仲唔走,超級厚顏無恥!」。

片段中,被插隊的男司機不斷響咹,突然有一名穿黑色上衣、藍色熱褲的女子從白色車前座左邊開門下車,疑似為左軚車。女子隨後「手指指」地走向響咹的後車,男司機質問「喂打尖喎!」,女子卻稱「你讓線呢我哋可以照咁樣排,無規定排隊係咁樣排!」。

男司機反駁「排晒隊㗎喎,全世界排緊隊,你切過嚟讓線?,你睇下前面,全部規則嚟㗎!」,女子則叫男司機「問下一田嘅職員啊!邊條規則?邊條規則?」。男司機批評「即係你而家唔講規則㗎啫?」,女子聞言僅不斷重複「嗰條讓線嚟㗎,係咪咁樣行啊」,男司機隨即不滿道:「而家全世界跟規矩,得妳話讓線㗎啫!」。女子則再叫男司機問一田職員,「你問下一田職員,如果係(打尖)我即刻cut返出去」。


片主指出,上周五(6月17日)於沙田新城市廣場第三期排隊等入停車場,見到有白色車切線以為是進入商場落客,於是好心相讓,詎料原來對方也是排隊等入停車場(影片截圖)


片主指出,上周五(6月17日)於沙田新城市廣場第三期排隊等入停車場,見到有白色車切線以為是進入商場落客,於是好心相讓,詎料原來對方也是排隊等入停車場(影片截圖)


被插隊的男司機不斷響咹,女子從白色車前座左邊開門下車,「手指指」地走向響咹的後車,稱「無規定排隊係咁樣排!」。(影片截圖)


女子說罷返回白色車上。(影片截圖)

女子說罷返回白色車上,男司機則無奈感嘆:「妳真係無理由,你仲要話我on X,妳真係(打尖)妳仲惡過我嘅?」

片段於網絡瘋傳,不少網民指摘女子態度惡劣,「一個厚顏無恥的人,又點會覺得自己做錯」、「真是人無恥必是無敵」、「轉線唔打燈已經衰格啦,仲要打尖」、「真係好無恥,遇着呢啲人真係冇仇報」、「問咩一田職員?而家一田做埋交通警呀?」,又讚揚男司機對答時「好脾氣」。

不過也有網民指出,理論上白色車跟路面指示線行駛沒有問題,認為道路設計上有改善空間,「嗰個位係讓線,冇計」、「條路設計on X都冇計,睇線真係冇錯喎」、「大家跟潛規則排隊,佢就講讓線,真係冇嘢好講……」、「冇明文規定,你可以話唔知,但有人嘈就要自己返龍尾排」、「如果個個都跟佢咁插,新城市應該塞死」、「呢度又真係麻煩,又可以cut線,但又可以排隊……難搞難搞」。

You May Also Like

Comment

Khu Đô Thị Hưng Hoà TNR Đồng Văn