網民熱話:讚女兒流感發燒40°C堅持比賽 家長被斥自私精

近日流感肆虐,不少學童都中招。為了避免疫情蔓延,教育局更宣布部分幼稚園停課。不過日前有家長發文讚自己年幼女兒即使患上流感,仍堅持參加跳舞比賽,其後貼文被轉載到不同社交群組,不少網民怒轟該名家長行為自私。


有家長發文讚年幼女兒即使患上流感仍堅持參加跳舞比賽,結果惹來網民圍攻。(互聯網)

[adinserter block=”1″]

今日(18日)中午,網民Chan Sophia在Facebook群組「將軍澳」上載了多張貼文截圖。事緣一名家長在1月6日發文稱讚年幼女兒「堅持的態度」,在患上流感後,仍然在攝氏40度高燒下參加團體跳舞比賽,最後獲得亞軍,令她大感欣慰,並決定獎勵女兒食雪糕,從該名家長貼圖所見,其女兒估計只有4、5歲,相信就讀幼稚園。

貼文隨後被轉至其他群組,事件更在What’sApp Group瘋傳,引來大批網民的討論。轉貼發文的Sophia怒斥該名家長:「停課都無用,因你都阻止唔到你身邊有啲咁嘅自私人出現!比賽最緊要!威威最緊要!流感發燒四十度唔戴口罩周圍去就唔緊要!一句個女堅持就大晒!」更提醒某些家長要「自重」。

不少網民看到貼文後,均表示憤怒:「嗰日比賽嘅朋友真係多謝晒呢位家長」、「個阿媽應該係自己都燒壞咗個腦」、「生仔真係要考牌,自私到不得了」,有人更反諷道:「睇得出家長好有責任感,估計佢自己燒過40度仍返工,坐地鐵巴士,咳到X都唔戴口罩!」「原來要咁教小朋友嘅,好有責任心呀!(曲線要講明)」。

網民有話說:

Rosa Go:傳染咗畀人,自己咪好返囉

Daisy Fung:虐待兒童?

Sing Sing Sing:今次比賽小朋友如不幸中招,家長們知道源頭啦

Do Lam:都仲未死得,梗係要比賽,個家長好有體育精神,比賽要一齊win,流感要一齊中

Source: hk.on.cc

You May Also Like

Comment

Khu Đô Thị Hưng Hoà TNR Đồng Văn