黃得生捱12年月薪得8千 終離巢TVB轉行做地產:唔想就咁磨到40歲

「我除咗殯儀、司機、掃街之外,幾乎所有需要勞力嘅工都做過晒。」很難想像這句說話出自一個電視藝員的口中,而他所說的不是說自己扮演過很多角色,而是說真實生活中為一邊做TVB一邊打工養活自己。


黃得生(右一)在訓練班畢業兩年後就參演《點解阿Sir係阿Sir》。(網上圖片)

黃得生(Dickson)畢業於2009年TVB第23期藝員訓練班,入行頭兩年參演《畢打自己人》、《女王辦公室》、《巾幗梟雄之義海豪情》等劇後,於第三年2011年在《點解阿Sir係阿Sir》和《結·分@謊情式》獲得發揮機會,終於不需要做「路人甲乙丙」,特別是《點解阿Sir係阿Sir》一劇中飾演「范泰(反檯)」依舊還有不少人記得。


黃得生在《點解阿Sir係阿Sir》中飾演「范泰(反檯)」(右一)。(網上圖片)

自2009年開始他一共在TVB工作了12年,直到2021年才正式離巢。離巢後原來已轉行做了地產。黃得生接受《香港01》電話訪問時直言,自己是看不到留在TVB發展有將來,所以才決心離開。他說:「唔想磨吓又一年,就咁磨到40歲。我走嗰時都31歲,追夢都追完,係時候要踏實少少。」


黃得生外形真係唔差。(網上圖片)

追夢是一個大方向,做藝員始終要向現實低頭。米缸冇米還談什麼夢想?黃得生選擇的是做part-time,然後等TVB通知開工。他說:「我除咗殯儀、司機、掃街之外幾乎所有需要勞力嘅工都做過晒。」同時也做過待應、裝修、送貨搬運、售貨員、派傳單,如果將所有工作經驗寫進履歷表的話,可能10頁紙也不足夠。他續說:「離開咗TVB之後就去咗派傳單,有試過情緒低落唔開心,嗰時問過自己究竟喺度做乜。不過冇錢就乜都要做,心理關口始終都要過。」當然,他並不是說勞力工作低下,他說:「職業無分貴賤,我只係志不在此,想搵多啲錢。」


黃得生坦言做TVB side-cast那段日子生活不好過。(IG圖片)

在無綫(TVB)做藝員,除了工時長收入也不穩定,雖然上位後有可能賺得多,但做跑龍套大多只稱得上「搵啖飯食」。他說:「我嗰時簽咗8年約,有約嗰時都算食到飯。啱啱訓練班出嚟$5,000一個月左右,中間有段時間上過萬幾,到後尾冇約就剩返4位數,一個月$8,000到$9,000到。演員真係好被動,嗰期捧邊個都係上面決定,爆唔爆騷都係上面安排。日日問監製、導演有冇嘢做,問完又唔知有冇角色。」


黃得生曾經客串過《堅尼地道殺人事件》預告片,可惜電影最終集資失敗。(IG圖片)

在TVB工作就無奈地離開,不覺得可惜嗎?他以戀愛來形容這段關係,說:「好似同個女仔拍咗拖12年,然後結唔婚分手咁,話唔覺得可惜係呃你嘅。」曾經離夢想幾步之距又跌回谷底,他多是歸咎於自己。他說:「機遇啦,其實係自己火喉未到。嗰排開始轉制,大家都好似冇咩心機拍。唔好話ViuTV定TVB,大家都係換湯不換藥。我聽過一個監製講,而而家香港人只係聽電視而唔係睇電視。香港電視要同全世界競爭,而唔係自己同自己競爭。」


黃得生在TVB工作了12年。(IG圖片)

所幸後來轉行做地產後總算有發展。他說:「做sales橫掂都係sale,不如sale貴嘢啦!自己都係鍾意對人。」雖說是做地產,但一點也不輕鬆,工時一樣長而繁忙。他說:「好開頭係『企樓花』,比起坐舖難做好多,因為你同個客係冇感情,坐舖就適合我多啲,資源多啲而且可以同客溝通,各有各好。大行資源會再多啲,收入都係4位數㗎啦,但係簽到單一個月 分佣可以有3,4萬,而家樓價貴咗嘛。」比起TVB收入多了?他回答:「好過TVB!呢度你勤力就一定有回報,喺TVB唔勤力就一定冇機會,但係你勤力都唔一定有回報。」


離巢TVB後,黃得生轉行做了「地產仔」。(IG圖片)

他續指,雖然他在中半山返工,但曾經也試過帶一個客行勻整個將軍澳、日出康城、調景嶺睇樓,由早上11點睇到晚上8點。他說:「好在最後都成交到。」還會想回到電視熒光幕嗎?他直說:「有得拍咪拍囉,當興趣又好當過吓戲癮又好,最多只當係副業。」

You May Also Like

Comment

Khu Đô Thị Hưng Hoà TNR Đồng Văn