G.E.M.同經理人11年來經歷風雨 粉絲公開反目証據原來有跡可尋

鄧紫棋(G.E.M.)與合作11年嘅經理人公司「蜂鳥音樂」最終反目收場,聲明中提及「冰封三尺非一日之寒」,唔少網民都一面倒支持G.E.M.的行動,並指「蜂鳥音樂」一直把G.E.M當成賺錢機器,狂數公司的不是。去年經理人張丹(Tan)40歲生日,G.E.M.送上祝福之餘,亦曾提及「我和Tan的日常談話內容都是7分爭吵3分和氣」,足見爭吵似乎是二人的相處模式之一。


為怕fans失望,G.E.M.提出解約後,仍然會完成埋餘下八場嘅演唱會。

[adinserter block=”1″]


G.E.M.出道至今11年,一直與張丹及音樂人Lupo Groinig係合作無間嘅鐵三角,如今雙方各自透過聲明溝通,雖然未知結局會是如何,但相信G.E.M.一定唔會好似Soler咁搞到要申請破產。(視覺中國)

現年41歲嘅張丹,早年與奧地利音樂人Lupo Groinig成立蜂鳥音樂(Hummingbird music),並簽下孖仔組合Soler,惜雙方最後反目收場,而Soler更因為官司欠債600萬而申請破產。如今G.E.M.對蜂鳥音樂提出解約,雖表明唔希望變成罵戰,但似乎已做好心理準備,並指「最後要去到法庭的話,自己也只能勇敢面對!」對於G.E.M的舉動,唔少粉絲似乎早已預計到,並指蜂鳥音樂無論係喺內地定香港,都令G.E.M.得罪唔少人。經典如G.E.M.早年喺紅館開騷,拒絕本地平面傳媒採訪,但另一邊廂卻包機票、酒店邀請內地傳媒來港,另外,G.E.M.曾於新城頒獎禮慶功宴遲大到,張丹當時以「G.E.M.要焗曲奇比傳媒」為理由,但最後被踢爆係講大話……當時已有傳G.E.M.不時向友人抱怨公司的種種,但由於有約在身,所以只與死忍。


2O14年G.E.M.於香港開騷,場內嚴禁使用螢光燈,但有官方推出價值280元嘅太空手帶。(視覺中國)

[adinserter block=”1″]


G.E.M.自《我是歌手 2》爆紅後,經理人張丹把她當作國際巨星打造,就連宣傳都只限坐喺台上接受訪問。而2015年紅館開騷時,怕香港傳媒寫衰G.E.M.嘅張丹,否認只討好內地傳媒,仲話過:「我哋關係係要大家做得好,唔係我哋要喺你哋(傳媒)面前乞嘢。」(視覺中國)

可惜,一切有如G.E.M.所講「不忍心真的狠下心。但不忍心,就是對自己狠心…」就好似去年G.E.M於內地商演,明明只唱4首歌,但她事後才知道主辨以「演唱會」作宣傳,激到佢喺微博發文問罪並且與歌迷道歉,雖然主辦方有一定責任,但粉絲認為經理人公司並沒有阻止主辦嘅行為亦都係唔啱。


G.E.M.去年出席商演唱4首歌,但事前就被當成演唱會作宣傳,令她非常生氣。

不過,最令粉絲嬲爆嘅有指係去年公司喺未經G.E.M同意下,接下微商品牌「真珠美學」代言,由於該品牌曾多次因質量而被起訴,粉絲都擔心成為代言人會為G.E.M.帶來不良影響,所以紛紛要求公司出面說明,最後「蜂鳥音樂」喺官方微博上載一批關於品牌的認證文件,但粉絲直指喺內地要得到認證並非難事,此外,有傳G.E.M.於內地爆紅後,不知為何一度疑似被列入封殺名單,她當時亦曾在演唱會上花近4分鐘解釋,表示自己「清者自清」。每次阿G.E.M鬧出公關災難,她都快過經理人出來拆彈。

[adinserter block=”1″]


明明應該有大把選擇,但唔明點解會為G.E.M.接下有問題的微商廣告,粉絲為此嬲爆。

G.E.M.以「爸爸以外最信任的男人」形容張丹以及Lupo Groinig,而張丹亦曾以「我們雖然有著不同背景,卻因為同一個目標而一直並肩存在。 ​​」形容呢個鐵三角組合,可惜如今一切已成過去。

[adinserter block=”1″]

Source : HK01

You May Also Like

Comment

Khu Đô Thị Hưng Hoà TNR Đồng Văn