MIRROR經理人團隊被爆態度惡劣遭行內人唾棄 12子必被拖後腿?

MIRROR自7月演唱會事故後,所屬公司MakerVille宣布休團兩個月。而近日部分成員開始在IG「復工」,包括Stanley(邱士縉)連日轉發新劇《野人老師》預告片、副隊長AK亦有宣傳個人品牌。一眾鏡粉為此磨拳擦掌,不過亦有人持有相反看法,不希望與12子合作,當中最大問題居然出現在以花姐(黃慧君)為首的經理人團隊。


有傳Mirror將於10月復工。(IG/@mirror.weare)

今日(30/9)財經KOL「千頌C」發長文表示,MIRROR紅館演唱會悲劇反映出ViuTV、Makerville公關手法毫無技巧可言,令到整個公司及MIRROR都陷入低潮,不過「千頌C」透露仍然有不少品牌商選擇繼續與MIRROR合作:「就算未去到雪中送炭嘅程度,策略上都做到『幫你做勢』效果,呢啲客都算係咁啦。不過實情係,花姐為首嘅經理人團隊未必會感恩。」

原來MIRROR的經理人團隊態度極度不專業、目中無人,首先「千頌C」表示曾經有朋友向他大吐苦水,當時12子人氣還未如此高企已與他們合作,至今合約仍還未到期,因此品牌商打算藉着MIRROR復出,印刷相關產品,12子經理人亦允許品牌商的舉動:「個品牌就問晒經理人啦,咁當時經理人就咩都OK晒嘅,所以餐廳期就mark(預約)晒,product (產品)就度晒,連宣傳物資都開機印緊啦。」豈料經理人之後突然反口,直言:「我唔想」,之後就沒有其他解釋。


花姐是MIRROR的經理人。(資料圖片)

品牌商為此大怒,指對方對客人極不尊重,行政管理有問題:「Makerville假假地都係上市公司旗下,MIRROR復出都係公司近來嘅頭等大事,所有部署唔係應該一早諗過度過?係覺得有問題、未諗清楚嘅,就唔應該一早應承個客啦。經理人團隊英文係management,但咁冇management skill(管理技能)嘅management team(管理團隊),說穿了就係唔專業。」

此外,「千頌C」分享曾經有不少傳媒影到一名MIRROR成員在公眾場合看樓盤,相關的報道亦有出街,隨後一名記者就向「千頌C」吐苦水,指自己收到一位不知名人士私訊:「我係MIRROR經理人,你地未經我地同意刊登XXX照片,間接宣傳樓盤,你地應該立即delete(刪除),我地公司亦會作法律追究。」該名記者為此感到不忿,直言:「無名無姓,卡片都冇張,佢話佢係李澤楷都得啦。再者,香港都冇肖像權,咁唔想人影到,你咪包佢衣食住行,佢咪唔使出街買啦。條友,真係唔識架喎。」最後記者尋根究底發現對方真的是MIRROR其中一位經理人,於是「千頌C」的朋友嘗試向母公司PCCW(電訊盈科)集團公關了解,最後由母公司要為他們要善後。


帖文引起不少網民共鳴,認為MIRROR經理人態度差是係一直以來存在的時,並不是這一兩天才有。(葉志明攝)

最後「千頌C」認為面對MIRROR的超高人氣,即使經理人態度不專業,目中無人,合作單位以及粉絲都會選擇受氣,但是現時MIRROR名譽嚴重受損,假如經理人依然擺着高高在上的姿態,就算12子付出再多,都會被經理人拖後腿,更表示曾經在位廣告界人士透露:「有得揀,我真係好唔想夾嗰班經理人。」帖文一出引起不少網民共鳴,《香港01》記者嘗試聯絡花姐了解事件,不過沒有得到回覆。

點擊下圖看「千頌C」原文及網民留言:

「千頌C」原文(Facebook/@「千頌C」)


「千頌C」原文(Facebook/@「千頌C」)


網民留言(Facebook/@「千頌C」)


網民留言(Facebook/@「千頌C」)

You May Also Like

Comment

Khu Đô Thị Hưng Hoà TNR Đồng Văn